बोलेरो दुर्घटना अपडेट : मृतक दुवैजनाको सनाखत, १९ घाइते, ४ जनाको अवस्था गम्भीर
मंसिर २६, २०७७ शुक्रबार १२:१३:०
चितवन : बोलेरो दुर्घटनामा मृत्यु भएका दुवैजनाको सनाखत भएको छ। मृत्यु हुनेमा बोलेरो चालक इच्छाकामना गाउँपालिका ६ का ३० वर्षीय निर्मल गुरुङ र ५० वर्षीया खिमा कुमारी गुरुङ रहेको चितवन प्रहरीले पुष्टि गरेको छ।
दुर्घटनामा १९ जना घाइते भएका छन्। घाइतेमध्ये १४ जनाको चितवन मेडिकल कलेज र अन्य ५ जनाको पुरानो मेडिकल कलेजमा उपचाररत भइरहेको छ। उपचारत चारजनाको अवस्था गम्भीर रहेको प्रहरीले जनाएको छ।
ईच्छाकामना गाउँपालिका ६ जलबिरेस्थित भित्री सडकखण्डमा चण्डिभञ्जाङबाट राजमार्ग तर्फ आइरहेको ना ४ च ५०५० नं को बोलेरो आफै अनियन्त्रित भए दुर्घटना भएको थियो।
बोलेरो सडक छेउमा रहेको फलामको बिजुलीको पोलमा ठोकिन जाँदा करेन्ट सर्ट भइ जीपमा सवार दुईजनाको घटनास्थलमै मृत्यु भएको चितवन प्रहरीका प्रवक्ता सुर्य थापाले जानकारी दिए ।
पहाडी क्षेत्रबाट राजमार्ग आउने क्रममा बोलेरो दुर्घटना भएको हो ।
प्रतिक्रिया दिनुहोस !
