स्याङ्जामा बस र ट्रक ठक्कर खाँदा १७ घाइते, पाँच जनालाई पोखरा पठाइयो
पुष ११, २०७७ शनिबार १८:५:०
स्याङ्जा : शनिबार दिउँसो पुतलीबजार नगरपालिका ११ स्थित बगालथोकमा बस र ट्रक ठोक्किँदा १७ जना घाइते भएका छन् ।
पोखराबाट वालिङतर्फ जाँदै गरेको लु १ ख ६५९४ नम्बरको ट्रक र पर्वतको फोक्सिङ्बाट पोखरा जाँदै गरेको ना ५ ख ५१३९ नम्बरको बस सिद्धार्थ राजमार्गमा ठोक्किँएका हुन् ।
दुर्घटनामा घाइते भएकामध्ये ५ जनालाई थप उपचारको लागि पोखरा रिफर गरिएको छ। अन्य १२ जनाको जिल्ला अस्पताल स्याङ्जामा उपचार भइरहेको प्रहरी नायव उपरीक्षक राजेन्द्रप्रसाद अधिकारीले जानकारी दिए।
ठोक्किँएका बस र ट्रकलाई प्रहरीले नियन्त्रणमा लिएको छ ।
प्रतिक्रिया दिनुहोस !
