सुर्खेत : लागुऔषधसहित प्रहरीले वीरेन्द्रनगरबाट सासु–बुहारीलाई पक्राउ गरेको छ । जिल्ला प्रहरी कार्यालयका अनुसार पक्राउ पर्नेमा वीरेन्द्रनगर–८ बस्ने शान्ति सिंह र उनकी सासु कौशिला सिंह रहेका छन् ।
उनीहरुको साथबाट १४ ग्राम नौसय ७० मिलिग्राम लागुऔषध बरामद गरिएकोे सुर्खेतका डीएसपी रामप्रसाद घर्तीमगरले जानकारी दिए ।
लागुऔषधको कारोबार भइरहेको सुचना पाएपछि प्रहरीले सोमबार राती उनीहरुको घरमा छापा मारेको थियो । कोठामा खानतलासी गर्दा लागुऔषध फेला परेको प्रहरीको भनाइ छ ।
उनीहरुबारे थप अनुसन्धान भइरहेको प्रहरीले जनाएको छ । उनीहरुको साथबाट प्रहरीले २१ हजार पाँचसय रुपैयाँ पनि बरामद गरेको छ । उनीहरुले ब्राउनसुगर कारोबार गरिरहेको सूचना पाएपछि प्रहरीले छापा मारेको थियो ।
प्रतिक्रिया दिनुहोस !
