काठमाडौं : मनोरञ्जक कार्यक्रम आयोजना गर्दै आएको बेटर ग्यालेक्सी इन्टरटेनमेन्टको व्यवस्थापनमा नगरकोटको नभनिभा लाउन्जमा सांगीतिक नाइट आयोजना गरिएको छ। अंग्रेजी नयाँ वर्षलाई स्वागत गर्ने क्रममा उक्त कार्यक्रम आयोजना गरिएको हो।
बेटर ग्यालेक्सीका धीरज तण्डुकारका अनुसार सांगीतिक कार्यक्रममा दर्शकको उत्साहजनक उपस्थिति थियो। कार्यक्रममा डीजे तथा हास्य कलाकार रातभर दर्शक नचाउन र हँसाउन व्यस्त थिए। गायक–गायिकाले रक, लोक तथा डान्सिङ नम्बर गाएर दर्शक नचाएका थिए।
साँझ ७ बजे सुरु भएको कार्यक्रम बिहान ४ बजेसम्म चलेको थियो। कार्यक्रममा हास्य कलाकार महादेव त्रिपाठी तथा डीजे फुच्चे केडीलगायतको आकर्षक प्रस्तुति थियो। चिसोको परवाह नगरी कलाकार तथा दर्शक मनोरञ्जन दिन र लिन व्यस्त थिए।
प्रतिक्रिया दिनुहोस !
