काठमाडौं : गायक रामजी खाँडको स्वरमा ‘आफ्नै माया’ बोलको गीत सार्वजनिक भएको छ। गीतको भिडियोमा नरेन खड्का र सीमा ढकालको अभिनय छ।
भिडियोलाई विजयदीप गिरीले निर्देशन गरेका छन् भने देवेन्द्र कुँवरको कोरियोग्राफी, प्रकाश खड्काको छायाँकन र विकास ज्ञवालीको सम्पादन रहेको छ। भिडियोमा आफूलाई मनपरेकी केटीलाई नरेनले फलो गरेका छन्। यो गीतका रचनाकार विजयदीप गिरी हुन् भने सरोज प्याकुरेलको संगीत रहेको छ। मनोहर सुनामको एरेन्ज रहेको गीतलाई भोला पौडेलले मिक्सिङ गरेका छन्।
अहिले धेरै गीत चर्चामा रहेका रामजी खाँडले यो गीत पिकनिक तथा पार्टीका लागि नृत्य गर्न सुहाउने भएको जनाएका छन्।
प्रतिक्रिया दिनुहोस !
