विराटनगर : राष्ट्रिय प्रजातन्त्र पार्टी (राप्रपा)का अध्यक्ष डा. प्रकाशचन्द्र लोहनीले प्रतिनिधिसभा विघटनको विषयमा सर्वोच्च अदालतले दिने निर्णय स्वीकार गरेर निर्वाचनमा जाने बताएका छन् ।
प्रधानमन्त्री केपी ओली चालेको असंवैधानिक कदमको विषयमा संवैधानिका निकायको रुपमा रहेको सर्वोच्च अदालतले दिने निर्णय स्वीकार गरेर निर्वाचनमा जाने बताएका हुन् ।
विराटनगरमा पत्रकार संगको भेटघाटमा अध्यक्ष लोहनीले भने, ‘संवैधानिक निकाय सर्वोच्च अलालत हो । हामी निर्णयलाई स्वीकार गछौं।’
सर्वोच्चको निर्णय आएपछि संवैधानिक राजतन्त्र र हिन्दुराष्ट्रको एजेन्डामा निर्वाचनमा जाने उनले सुनाए । उनले असवैधानिक कदमलाई संवैधानिक संरचनाले निरुपण गर्ने सर्वोच्च अदालतको निर्णय सबैले स्वीकार गर्नुपर्ने बताए ।
नेकपामा दुवै समूहको एउटै सिद्धान्त छ उनले भने, ‘ पैसा र सता ।’ एकले अर्को लाई पैसा नदिँदाको उपज नै विघटन भएको उनको भनाइ छ ।
बहुमत हुँदा हुँदै व्यक्तिगत स्वार्थको लागि असंवैधानिक कदम चाल्दा जनता निरास भएको उनले बताए । प्रतिनिधिसभा विघटन भए पछि ओली नेतृत्वको सरकार कामचलाउ बनेको उनको भनाइ छ ।
‘निर्वाचन घोषण गरेर मन्त्री थप्नु अर्को संविधान विपरित कार्यको उदाहरण हो’, उनले भने ।
संविधानको मूल्य र मान्यता विपरित गएर मन्त्रीको नियुक्ति र संवैधानिक अगंमा नियुक्त गर्नु सविधानको खिल्ली उडाउनु जस्तै भएको उनको भनाइ छ ।
प्रतिक्रिया दिनुहोस !
