काठमाडौं : ‘बिहे पास’ नामक फिल्म निर्माण हुने भएको छ। प्रवेश पौडेलको निर्देशनमा बन्ने फिल्ममा दयाहाङ राई र प्रकृति श्रेष्ठ मुख्य भूमिकामा अनुबन्धित भएका छन्। प्रवेशले यसअघि ‘अमेरिका बोइज’ निर्देशन गरेका थिए।
रोहित कट्टेलको प्रस्तुति रहेको फिल्मको कार्यकारी निर्माता रत्न श्रेष्ठ र सहनिर्माता ग्याल्जेन लामा छन्। आरआर फिल्म प्रोडक्सनको ब्यानरमा निर्माण हुने फिल्मको छायांकन चैत पहिलो साताबाट सुरु हुने जानकारी निर्देशक पौडेलले दिए। आकाश बराल, सजन काफ्ले र मुरे केरको लेखन रहेको ‘बिहे पास’का अन्य कलाकार तथा प्राविधिकको छनोट जारी छ।
सामाजिक विषयमा हास्यरस मिसाएर निर्माण गर्न लागिएको फिल्मको सुटिङ तराई भेगमा गरिने बताइएको छ।
प्रतिक्रिया दिनुहोस !
