परासी : जनता समाजवादी पार्टी नेपालका वरिष्ठ नेता राजेन्द्र महतोले लोकतन्त्रको रक्षाका लागि अब राष्ट्रिय मुक्ति आन्दोलनको जरुरी रहेको बताएका छन् ।
पार्टी जिल्ला समिति पश्चिम नवलपरासीकाले शनिबार परासीमा गरेको कार्यकर्ता भेटघाट कार्यक्रममा महतोले प्रधानमन्त्री केपी ओलीको प्रतिगमनविरुद्ध भइरहेका सबै आन्दोलनलाई एकीकृत गरी राष्ट्रिय मुक्ति आन्दोलन गर्नुपर्नेमा जोड दिए ।
आफूहरुले संविधान जारी गर्दैदेखि त्यसलाई प्रतिगमनको संज्ञा दिदैं आएको बताउँदै महतोले अहिले ओलीले फेरि प्रतिगमनमाथि अर्को प्रतिगमन लादेको बताए ।
लोकतान्त्रिक मूल्य र मान्यता तथा संविधानको रक्षाका लागि आफ्नो पार्टीले थालेको आन्दोलन अझै चर्काउने उनको भनाइ छ । संसद् विघटनपछि जनताले तेस्रो शक्तिको खोजी गरिरहेको बताउँदै महतोले त्यो शक्ति आफ्नो पार्टी भएको दाबी गरे ।
प्रतिक्रिया दिनुहोस !
