काठमाडौं : द डिभाइन म्युजिकको प्रस्तुतिमा अलिफ खानको जीवनको पहिलो गीत ‘छुँदिनँ म जाले रुमाल’ सार्वजनिक गरिएको छ।
अर्जुन पोखरेलको संगीत, नारायण काइँलोको शब्द रहेको गीतको निर्देशन विधान कार्कीले गरेका हुन्। ए प्लस स्टुडियोमा रेकर्ड गरिएको गीतको भिडियोमा इन्जमाम अलि खान र श्रेया सिटौलाको अभिनय छ।
भिडियोमा गायक अलिफले पनि अभिनय गरेका छन्। आकर्षक लोकेसनमा छायांकन गरिएको यो गीतको भिडियोलाई निर्देशक कार्कीले कथानक बनाएका छन्।
गीतको मर्मअनुसार कथा बुनेर तयार पारिएको भिडियोले रिलिज भएको दोस्रो दिनमा नै आकर्षक भ्युज पाएको छ। एकपछि अर्को करोड क्लबका भिडियो दिएका विधानले निर्देशन गरेको भिडियो रुचाइएको छ।
अलिफ नेपाली सांगीतिक फाँटमा भर्खर उदाएका हुन्। उनलाई टिकटकमा निकै रुचाइएको छ। मुस्लिम समुदायको प्रतिनिधित्व गर्दै संगीतकर्ममा लागेका उनी जुनसुकै विधाका गीत गाउन पोख्त मानिन्छन्।
प्रतिक्रिया दिनुहोस !
