गुल्मी : गुल्मीमा जीप दुर्घटना हुँदा एक जनाको मृत्यु भएको छ ।
सदरमुकाम तम्घासबाट पराल्मी जादै गरेको लु १ ज १९८८ नम्बरको जीप रेसुंगा नगरपालिका–१४ को वडा कार्यालय नजिकै दुर्घटना भएको प्रहरीले जनाएको छ ।
घटनास्थलमा जिल्ला प्रहरी कार्यालय गुल्मीको टोली पुगेर उद्धारको कार्य अघि बढाएको जिल्ला प्रहरी कार्यालय गुल्मीका प्रहरी नायव उपरीक्षक पुरुषोत्तम पाण्डेले जानकारी दिए ।
दुर्घटनामा अन्य सातजना गम्भीर घाइते भएका छन् । जीपमा १० जना सवार रहेको प्रहरीले बताएको छ । घटनाको थप विवरण आउन बाँकी छ ।
प्रतिक्रिया दिनुहोस !
