काठमाडौं : केही समयको अन्तरालपछि नायिका प्रियंका कार्की ‘पूmलभन्दा कोमल’ बोलको म्युजिक भिडियोमा देखिएकी छन्।
म्युजिक भिडियोमा प्रियंकाले विकेश शाहीसँग अनस्क्रिन रोमान्स गरेकी छन्। विभिन्न फिल्म तथा म्युजिक भिडियोमार्फत आफ्नो कला देखाउँदै आएका विकेश लामो समयदेखि अभिनय, नृत्य, क्षमता अभिवृद्धिजस्ता कलाकारिताका लागि आवश्यक तालिम र प्रशिक्षणपश्चात् भिडियोमा देखिएका हुन्।
नायिका कार्कीसँग जोडी बाँधेर म्युजिक भिडियोमा अभिनय तथा नृत्य गर्न पाउनुलाई राम्रो अवसरका रूपमा लिएको उनले बताए। त्यसैगरी नायिका कार्कीले गीत मन परेपछि भिडियोमा काम गरेको बताइन्।
भिडियो कविराज गहतराजको निर्देशनमा बनेको छ। कविराजले यो गीतको म्युजिक भिडियोमा कोरस कलाकार राखेका छैनन्। भिडियो चन्द्रागिरि हिल्सका विभिन्न स्थानमा छायांकन गरिएको छ। हेराकुमार शाही (मगचा)द्वारा निर्मित म्युजिक भिडियोमा कोरियोग्राफी राकेश शाहीको रहेको छ।
भिडियो कृष्ण पाण्डेको छायांकन, सुशान्त बस्नेतको सम्पादन र श्याम कुँवरको कलरिङमा तयार भएको छ। ओमर सुनारको शब्द रचना र संगीत रहेको यो प्रेम गीत एलिना चौहानले गाएकी छन्।
प्रतिक्रिया दिनुहोस !
