काठमाडौं : गीतकार तारा अधिकारीको नयाँ गीत ‘लाली ओठैमा’ को म्युजिक भिडियो सार्वजनिक भएको छ। सुनौलो तारा युट्युब च्यानलबाट दर्शकमाझ आएको गीतमा स्वरूपराज आचार्य र रचना रिमालको स्वर छ। गीतमा संगीत राजनराज शिवाकोटी र संगीत संयोजन उदयराज पौडेलको छ।
गीतको भिडियोमा पल शाह, गरिमा शर्मा र कुमार न्यौपानेलाई देख्न सकिन्छ। रमेश थापाको निर्देशनमा तयार भएको भिडियो करण चैसिरको छायांकन र सुप्रिम पराजुलीले सम्पादन गरेका हुन्।
चपली हाइटका विभिन्न स्थानमा छायांकन गरिएको भिडियोमा पल र गरिमाको केमेस्ट्री छ। भिडियोमा राजीव समरको कोरियोग्राफी छ। निर्देशक थापाले गीतको भावअनुसार भिडियोमा ग्रामीण परिवेश देखाउन खोजिएको बताए। गीतकार अधिकारीको यसअघि सपना र सुनौलो तारा एल्बम बजारमा आइसकेका छन्। यो एल्बमका विभिन्न गीतको भिडियो पनि बनेको छ।
प्रतिक्रिया दिनुहोस !
