काठमाडौं : अहिले सामाजिक सञ्जाल हुँदै नेपाली गीतसंगीतमा उदाएको नाम हो अलिफ खान। उनै अलिफ र गायिका समीक्षा अधिकारीको स्वरमा रहेको नयाँ गीत ‘वनैमा मनैमा’ द डिभाइन म्युजिकको युट्युब च्यानलबाट बिहीबार सार्वजनिक गरिएको छ।
गीतमा अर्जुन पोखरेलको संगीत र संगीत संयोजन रहेको छ भने शब्द यादव लम्सालले लेखेका हुन्। भिडियोको निर्देशन विधान कार्कीले गरेका छन्। पछिल्लो समय नेपाली सांगीतिक क्षेत्रमा निर्देशक कार्कीले लगातार दर्शकको रोजाइका भिडियो बनाउँदै आएका छन्। उनका धेरै भिडियो व्यावसायिक रूपमा सफल छन्।
गीतको भिडियोमा अजय श्रिज, चाहाना बस्याल, रञ्जित पौडेल र समीक्षा पोखरेलको अभिनय छ। गायिका समीक्षा अधिकारी र अलिफ खानको पनि अभिनय रहेको भिडियोमा सुरेन्द्र बसेलको कोरियोग्राफी, उत्सव दाहालको छायांकन र विकास दाहालको सम्पादन रहेको छ। भिडियो लोक परिवेशमा तयार पारिएको छ।
प्रतिक्रिया दिनुहोस !
