मुम्बई : बलिउड अभिनेत्री सुस्मिता सेनले सन् २०२० मा आएको वेब सिरिज ‘आर्या’बाट आफ्नो कमब्याक गरेकी थिइन्। यो सिरिज उनका फ्यानले निकै मन पराएका थिए। अहिले आर्या सिरिज र सुस्मिताका फ्यानका लागि खुसीको खबर सार्वजनिक भएको छ।
सुस्मिताले ‘आर्या’को दोस्रो सिरिज बन्न लागेको जानकारी गराएकी छन्। उनले सोसल मिडियामा एउटा तस्बिर सेयर गर्दै आर्याको दोस्रो भागको घोषणा गरेकी हुन्। तस्बिरमा सुस्मिताका आँखा मात्रै देखिएका छन्। यो तस्बिरसँगै उनले लेखेकी छन्, ‘म ऐनामा एउटा तुफान आएको देखिरहेकी छु। आर्याको दोस्रो भाग हाम्रा लागि महŒवपूर्ण छ। साथी हो, म तपाईंहरूलाई निकै माया गर्छु।’
आर्याबाट सुस्मिताले डिजिटल प्लेटफर्ममा डेब्यु गरेकी थिइन्। यो सिरिजका लागि उनलाई उत्कृष्ट अभिनेत्रीको फिल्मफेयर ओटीटी अवार्ड पनि प्राप्त भएको थियो। यो सिरिज जुन २०२० मा रिलिज भएको थियो।
प्रतिक्रिया दिनुहोस !
