बाघको आक्रमणले महिलाको मृत्यु
![बाघको आक्रमणले महिलाको मृत्यु](https://annapurnapost.prixacdn.net/media/albums/Hiway-Tiger-patebagha_20210106112721_lPTTPqVsE6.jpg)
गुलरिया : बाघ आक्रमणमा परी एकजना महिलाको मृत्यु भएको छ। मधुवन नगरपालिका वार्ड नम्बर ३ भग्ग्रैया स्थित खाता सामुदायिक वनक्षेत्रमा घाँस काट्न गएकी २७ वर्षीया रिना सुनारको बाघको आक्रमणमा परी मृत्यु भएको हो।
नेपाल भारत सीमाको पिलर नम्बर ८४ र ८५ को बीचमा साथीहरुसँगै घाँस काटिरहेको अवस्थामा सुनारलाई बाघले तानेर लगेको डिभिजनल वन कार्यालय बर्दियाका प्रमुख महेन्द्र वाग्लेले बताए। बाघले महिलाको घाँटी र छातीको मासु खाएको अवस्थामा शव भेटिएको छ। उनले भने मृतक महिला कोठियाघाट निवासी हुन्।
पछिल्लो समय बर्दियामा बाघ आक्रमणको क्रम बढेको छ। खाता क्षेत्रमा हालसम्म ६ जनाले बाघ आक्रमणमा ज्यान गुमाइसकेका छन्। यतिखेर बर्दिया क्षेत्रका स्थानियहरु बाघदेखि त्राहीत्राही छन्।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)