आयो ‘सुनै सुनको तिलहरी’

काठमाडौं : गायक प्रदीप कार्की र गायिका बेनिशा पौडेलको स्वरमा ‘सुनै सुनको तिलहरी’ बोलको गीत प्रदीप कार्की युट्युब च्यानलबाट सार्वजनिक गरिएको छ। गीतमा दीपक शर्माको शब्द तथा संगीत छ। प्रदीप लामो समयदेखि बेलायतमा बस्दै आएका छन्। उनले बेलायतमै बसे पनि नेपाली गीत संगीतमा निरन्तर काम गरिरहेका छन्।

सार्वजनिक गीतले सुन र पैसाभन्दा पनि माया ठूलो बताउँछ। यो गीतको भिडियो विधान कार्कीले निर्देशन गरेका हुन्। विधानले निर्देशन गरेका पछिल्ला भिडियो व्यावसायिक रूपमा सफल छन्। 

नायक आकाश श्रेष्ठ र मोडल उषा उप्रेतीको जोडीलाई भिडियोमा देख्न सकिन्छ। यो जोडी भिडियोमा सुहाएको छ। मनीषा पोखरेलको सहायक निर्देशन, माधव शर्माको प्रमुख सहायक निर्देशन रहेको यो भिडियोमा मनीषा थापाको कोरियोग्राफी, विकास दाहालको सम्पादन र हरि हुमागाईंको छायांकन छ।