स्याङजा : रातको समयमा जंगलमा शिकार खेल्न हिंडेका २ युवा भरुवा बन्दुक सहित पक्राउ परेका छन्। हरिनास गाउँपालिकाका ३६ वर्षे हेमबहादुर भुजेल र २२ वर्षे प्रेमबहादुर भुजेल अवैध भरुवा बन्दुकसहित पक्राउ परेका प्रहरी नायब उपरीक्षक राजेन्द्र अधिकारीले जानकारी दिए।
शनिबार राती पौने १० बजे हरीनास कुलुङखोला सनीस्वारा जंगलमा शिकार खेल्न गएका उनीहरु दुबैलाई अवैध भरुवा बन्दुक सहित प्रहरीले पक्राउ गरेको बताइएको छ।
एक थान भरूवा बन्दुक, बन्दुकमा प्रयोग हुने सिसाको छर्रा १७ वटा र ५ ग्राम बारुद सहित पक्राउ परेका उनीहरु प्रहरी नियन्त्रणमा छन्। दुबैजनालाई हातहतियार तथा खरखजना सम्बन्धी कसुरमा मुद्धा दर्ता गरी अनुसन्धान अघि बढाएको प्रहरीले जनाएको छ ।
प्रतिक्रिया दिनुहोस !
