गुलरिया: बर्दियाको बारबर्दिया नगरपालिकास्थित अवैध काठसहित दुईवटा ट्रयाक्टरलाई प्रहरीले नियन्त्रणमा लिएको छ ।
बारबर्दिया नगरपालिकादेखि खैरापुरतर्फ काठका गोलिया बोकिरहेको अवस्थामा बानियाभारको प्रहरी गस्तीले लठुवाघाटबाट काठसहितको ट्रयाक्टर नियन्त्रणमा लिएको हो ।
कानुनी प्रक्रिया पूरा नगरी अवैध रुपमा लैजाँदै गरेको ३१५ दशमलव ७७ घनफिट काठ नियन्त्रणमा लिइएको जिल्ला प्रहरी कार्यालय बर्दियाका प्रहरी नायव उपरीक्षक हेमबहादुर शाहीले बताए ।
प्रहरीले सिसौ, सागवन, निम र आँप जातका काठका गोलियाहरु आवस्यक अनुसन्धान र कारवाहीका लागि डिभिजन बन कार्यालय बर्दियामा बुझाएको छ । काठ ओसारपसारमा संलग्न भे १ त ९३३१ र भे १ त ४८२१ नम्बरको ट्रयाक्टर सहित काठ र चालकलाई प्रहरीले नियन्त्रणमा लिएको छ ।
प्रतिक्रिया दिनुहोस !
