जाजरकोट : जुनीचाँदे गाउँपालिकाका स्वास्थ्य सह–संयोजक तथा स्वास्थ्यकर्मी योज्ञेश्वर बस्नेतलाई कार्यकक्षमै कुटपिट गरिएको छ ।
जुनीचाँदे गाउँपालिका–२ का वडाध्यक्ष रामबहादुर नेपालीको योजनामा स्थानीय खडकबहादुर शाही र तेजबहादुर शाहीले मदिरा सेवन गरेर कार्यालय भित्रै बस्नेतमाथि कुटपिट गरिएको भन्दै गाउँपालिकामा कार्यरत कर्मचारीले विरोध गरेका छन् ।
जुनीचाँदे गाउँपालिकामा कार्यरत सम्पूर्ण कर्मचारीले विज्ञप्ति घटनाप्रति खेद व्यक्त गरेका हुन् ।
उनीहरुले विज्ञप्तिमा घटनामा संलग्न व्यक्तिलाई कारवाहीको माग गरेका छन् । जनताको नजिकको सरकारको रुपमा रहेका स्थानीय सरकारका प्रतिनिधि नै यस कार्यमा संलग्न हुनुले कर्मचारी प्रशासनमा डर र त्रासपूर्ण वातावरण सिर्जना भएको विज्ञप्तिमा उल्लेख गरिएको छ ।
ऐन कानुन विपरीत गरिएको निन्दनीय कार्यप्रति सरकारकै एकजना प्रतिनिधिको संलग्नतामा देखिदा कानुनी शासनको प्रत्याभूती गर्न नसकिएके विज्ञप्तिमा उल्लेख गरिएको छ ।
गाउँपालिकाका कार्यवाहक अध्यक्ष शिवा आचार्यले घटनाले दुःखी बनाएको भन्दै दोषीमाथि कारवाहीका लागि पहल गर्ने बताएका छन् ।
प्रतिक्रिया दिनुहोस !
