उदयपुर : उदयपुरको चौदण्डिगढी नगरपालिका ४ बर्खेडाँडामा ट्याक्टरबाट खस्दा एक युवाको ज्यान गएको छ। शनिबार राती १० बजे मदनभण्डारी स्मृति लोकमार्गमा पूर्वबाट पश्चिमतर्फ आउँदै गरेको स १ त ७६२० नम्बरको ट्याक्टरबाट खस्दा चौदण्डि नपा २ गगँटेका २८ वर्षीय रुपेश लामगादेको ज्यान गएको हो।
ट्याक्टर चालकसँगै रहेका उनी अकास्मात झर्दा पछाडीको टायरले किचेको जिल्ला प्रहरी कार्यालयका डिएसपी वेदप्रसाद गौतमले जानकारी दिए। छातीमा टायरले किचेर घाइते भएका उनलाई उपचारका लागि प्राथामिक स्वास्थ्य केन्द्र बेल्टार लैजानेक्रममा बाटैमा मृत्यु भएको उनले बताए।
डिएसपी गौतमका अनुसार ट्याक्टर र चालक सोही ठाउँका २६ वर्षीय टंक कामीलाई इलाका प्रहरी कार्यालय बेल्टारले नियन्त्रणमा लिइ थप अनुसन्धान सुरु गरिएको छ।
प्रतिक्रिया दिनुहोस !
