काठमाडौं: पथरी शनिश्चरे नगरपालिकाका प्रमुख प्रशासकीय अधिकृत अम्बिकाप्रसाद धमलासमेत ६ जनामाथि अख्तियार दुरुपयोग अनुसन्धान आयोगले मुद्दा दायर गरेको छ ।
गैरकानूनी लाभ तथा सार्वजनिक सम्पत्ति हानी नोक्सानी गरी भ्रष्टाचार गरेको सम्बन्धी आयोगले २४ लाख २७ हजार विगो कायम गर्दै आरोपपत्र दायर हो ।
ईन्जिनियर कृष्णप्रसाद कोइराला र असिस्टेन्ट (सहायक) सव ईन्जिनियर लिलाराज भट्टराई, चुरे संरक्षण पोखरी निर्माण उपभोक्ता समितिका अध्यक्ष कुलबहादुर गुरुङ, सचिव नवीन ढकाल र कोषाध्यक्ष विनिता देवानलाई प्रतिवादी बनाइएको छ ।
उनीहरुले पोखरी निर्माण भइसकेको भनी गलत कार्यसम्पन्न प्रतिवेदन तयार तथा स्वीकृत गरेको, नगरपालिकाको योजना तथा कार्यक्रम अनुगमन समितिमा बसी लागत अनुमान बमोजिम कार्यसम्पन्न भएकोले भुक्तानीको सिफारिस गरियो भनी गलत प्रतिवेदन पेश तथा जाँचपास गरेको पाइएको अख्तियारको आरोप पत्रमा उल्लेख छ ।
उनीहरुविरुद्ध भ्रष्टाचार निवारण ऐन बमोजिम सजायको मागदाबी सहित विशेष अदालतमा मुद्दा दायर भएको अख्तियारका प्रवक्ता एवं सहसचिव नारायाणप्रसाद रिसालले जानकारी दिए ।
प्रतिक्रिया दिनुहोस !
