सिरहाः वर्षौदेखि गाउँब्लोकमा घर बनाएर बसोबास गरे पनि जमिनको पूर्जाबाट वञ्चित रहँदै आएका सिरहा धनगढीमाई नगरपालिकाका स्थानीयहरुले जग्गाधनी पूर्जा पाउने भएका छन् ।
धनगढीमाई नगरपालिका नगर प्रमुख हरि नारायण चौधरी र नापी कार्यालय लहानका प्रमुख ई. रबिन सिंहद्वारा संयुक्त रुपमा पहिलो चरणमा ३० जना जेष्ठ नागरिक, महिला दलित जग्गाधनीलाई पूर्जा वितरण सुरु गरेको हो ।
बाँकी रहेको जग्गाधनी पूर्जा बितरण कार्यक्रमलाई नगरपालिका र नापी कार्यालय लहानको समन्वयमा वडा कार्यालयमार्फत् बितरण गरिने नगर प्रमुखश्री हरि नारायण चौधरीले बताए । विशेषतःविपन्न परिवारले उक्त नगरपालिकामा वर्षौदेखि गाउँब्लकको जग्गामा सयौंले बसोबास गरे पनि हालसम्म जग्गाधनी लालपूर्जा पाउन सकेका थिएनन् ।
प्रतिक्रिया दिनुहोस !
