उदयपुर : उदयपुरको उदयपुरगढी गाउँपालिका–७ मा बुधबार बोलेरो जीप दुर्घटनामा एकजनाको ज्यान गएको छ । दुर्घटनामा अन्य १२ जना घाइते भएका छन् ।
घाइतेलाई उपचारका लागि जिल्ला अस्पताल गाईघाट पठाइएकोमा उदयपुरगढी गाउँपालिका–१ का ३७ वर्षीय शिव खत्रीको बाटोमा नै ज्यान गएको जिल्ला प्रहरी कार्यालयका एसपी भीमबहादुर दाहालले बताए ।
अन्य घाइतेलाई जिल्ला अस्पतालमा सामान्य उपचारपछि थप उपचारका लागि बिराटनगरस्थिन न्युरो अस्पतालमा पठाएको जनाइएको छ । दुर्घटनाको थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस !
