१४ वर्षीया बालिकामाथि सामूहिक बलात्कारको अभियोगमा २ युवक पक्राउ

दाङ: सल्यानमा १४ वर्षीया एक बालिकामाथि सामूहिक बलात्कारको अभियोगमा दुईजना पक्राउ परेका छन् ।

सल्यानको बनगाड कुपिन्डे नगरपालिकाकी १४ वर्षीया बालिकालाई माघ १० गते बलत्कार गरेको अभियोगमा दुईजनालाई प्रहरीले प्रहरीले बिहीबार पक्राउ गरेको हो । बालिकालाई ज्यानमार्ने धम्की आए पनि र अभिभावकहरु घर नभएका कारण यो घटना अहिले सार्वजनिक भएको प्रहरी जनाएको छ ।

बलात्कार अभियोगमा पक्राउ पर्नेमा बनगाड कुपिण्डे नगरपालिकाका २ जना युवा छन् । सामूहिक बलात्कार भएको भन्दै जिल्ला प्रहरी कार्यालय सल्यानमा पीडित पक्षले बैशाख १६ गते दिएको जाहेरीका आधारमा आरोपित बनगाड कुपिण्डे नगरपालिकाका १६ वर्षीय र १७ वर्षीय युवकलाई प्रहरी नियन्त्रणमा लिएर अनुसन्धान थालेको सल्यान प्रहरी प्रवक्ता प्रहरी निरीक्षक अर्जुन पौडेलले जानकारी दिए ।

यसरी घटेको थियो घटना

कक्षा ८ मा अध्यनरत पीडित बालिका माघ १० गते स्बेलुका बहिनी खेल्न निस्किएकी हुनाले बेलुका बहिनी खोज्न घर बाहिर निस्केकी ती बालिकालाई छिमेकी युवाहरुले समातेर नजिकैको गोठमा लगे ।

एउटाले मुख बन्द गरेको थियो भने अर्को युवाले उनीलाई समाएर बाख्रा बाध्ने गोठमा लगेपछि पालैपालो बलात्कार गरेको पीडित बालिकाले बताएकी छन् । आर्थिक अवस्था कमजोर भएकी बालिकाका बुवा र आमा मजदुरीका लागि भारतमा रहेको र बालिका सहित दुई दिदी बहिनी हजुर आमासँग बस्दै आएका थिए ।

बालिकाको बुवा र आमा रोजगारीबाट फर्किएपछि यो कानुनी प्रक्रिया अघि बढेको परिवारले बताएको छ । आरोपितहरुले घटना बारे कसैलाई भनेमा ज्यान मार्ने धम्की दिएपछि बालिकाले घटनाबारे कसैलाई भन्न नसकेको परिवारले जनाएको छ । बालिकाले पीडा सहन नसकेर पटक पटक आत्माहत्याको प्रयास समेत गरेको बताएकी छन् ।