राजविराज : कोभिड–१९ बाट संक्रमित सप्तरीका एक युवकको उपचारका क्रममा मृत्यु भएको छ । छिन्नमस्ता गाउँपालिका–४ लालापट्टीका ४२ वर्षीय युवकको उपचारका क्रममा विराटनगरस्थित कोशी अस्पतालमा मृत्यु भएको परिवारका सदस्यले बताएका छन् ।
ज्वरो आउनुका साथै छाती दुख्ने समस्या देखिएपछि उनी एक साताअघि राजविराजस्थित छिन्नमस्ता अस्पताल भर्ना भएका थिए । कोभिड संक्रमित पुष्टि भएपछि उनी विराटनगरमा उपचाररत थिए ।
परिवारका सदस्यकाअनुसार शव बुधबार मोरङ्गस्थित सिंघिया खोलामा व्यवस्थापन गरिने छ । सात वर्षअघिसम्म अखिल तराई मुक्ति मोर्चाका संयोजक रहेका उनले सशस्त्र सङघर्षको बाटो परित्याग गरी सहमतिअनुसार राजविराजमा ०७१ मङ्सिर ३ गते सरकारलाई नौ थान हतियार बुझाएर शान्तिपूर्ण जीवन प्रवेश गरेका थिए ।
प्रतिक्रिया दिनुहोस !
