दार्चुलामा कोरोनाबाट थप एकको मृत्यु, मृतकको संख्या ७ पुग्यो
वैशाख २६, २०७८ आइतबार १३:९:०
दार्चुला : दार्चुलामा शनिबार राती थप एकजना कोरोना संक्रमितको मृत्यु भएको छ। जिल्लाको नौगाड गाउँपालिका ५ घर भएका ७२ वर्षीय पुरुषको अस्पताल पुर्याउने वित्तिकै मृत्यु भएको गोकुलेश्वर अस्पतालका डाक्टर नियाज अन्सारीले बताए। उनका अनुसार शनिबार राती ती पुरुषको अस्पताल पुर्याउने वित्तिकै मृत्यु भएको हो ।
मृतक पुरुषमा एन्टिजेन परीक्षण गर्दा कोरोना रिपोर्ट पोजिटिभ देखिएको थियो । गाउँमा पसल सञ्चालन गर्दै आएका ती पुरुषको भारतबाट फर्किएकाहरुसँग भेटघाट हुने गरेको आफन्तले बताएका छन्।
शवको व्यवस्थापनका विषयमा प्रमुख जिल्ला अधिकारी र सुरक्षा निकायसँग छलफल भइरहेको डाक्टर अन्सारीले जानकारी दिए। यो सँगै जिल्लामा कोरोनाबाट मृत्यु हुनेको संख्या सात पुगेको छ ।
हालसम्म कोरोनाबाट दार्चुलाका तीनजनाको जिल्ला भित्र तथा चारजनाको उपचारको क्रममा जिल्ला बाहिर मृत्यु भएको जिल्ला स्वास्थ्य कार्यालय दार्चुलाले जनाएको छ ।
प्रतिक्रिया दिनुहोस !
