स्याङजा : पुतलीबजार नगरपालिका -१० का २६ वर्षिया एक युवतीको बुधबार बिहान मृत्यु भएको छ। उनमा कोभिडका लक्षण देखिएको थियो।
पुतलीबजार नगरपालिका ६ टक्सार माइतमा बस्दै आएकी उनलाई मंगलबार (गएराती) श्वासप्रश्वासमा समस्या भएपछि बिहान ३ बजे जिल्ला अस्पताल ल्याइएको थियो। अस्पतालले अक्सिजनसहितको उपचार गराउँदा पनि सफल नभएपछि थप उपचारका लागि पोखरा रिफर गरेको अस्पतालका सुपरिटेन्डेन्ट डा. रमेश आचार्यले बताए।
उपचारका लागि पोखरा लैजादै गर्दा उनको बाटोमै मृत्यु भएपछि मृत शरिर अहिले अस्पतालमा राखिएको छ। कोरोनाका त्रास देखाउँदै आफन्तले सो शव उठाउन मानेका छैनन्। मृत्युपछि मृतक युवतीको स्वाव परीक्षणका लागि पठाइएको छ। परीक्षण रिपोर्ट आउन तीन दिन लाग्ने बताइएको छ।
शव व्यवस्थापनका लागि पुतलीबजार नगरपालिकाका प्रमुख सीमा क्षेत्रीसँग समन्वय भइरहेको वडा नं १० का सदस्य सुरजकुमार अधिकारीले जानकारी दिए।
प्रतिक्रिया दिनुहोस !
