झापा : जंगली हात्तीको आक्रमणबाट झापामा एक व्यक्तिको मृत्यु भएको छ। कमल गाउँपालिका ३ निवासी ४५ वर्षीया जीतबहादुर खोयाङको हात्तीको आक्रमणबाट मृत्यु भएको जिल्ला प्रहरी कार्यालय झापाले जनाएको छ।
उनलाई आज बिहान ५ बजे जंगली हात्तीले आक्रमण गरेको थियो। जंगली हात्तीको आक्रमणबाट उनको घटनास्थलमा नै मृत्यु भएको जिल्ला प्रहरी कार्यालय झापाका प्रहरी नायव उपरीक्षक राकेश थापाले जानकारी दिए।
थापाकाअनुसार बिहान हिड्न निस्किएका खोयाङलाई २१ नम्बर वाहिनी अड्डाको पश्चिमतर्फको जंगलमा हात्तीले आक्रमण गरेको हो।
प्रतिक्रिया दिनुहोस !
