फिदिम : पाँचथरको हिलिहाङ गाँउपालिका ७ भारपाको टारीस्थित मेची राजमार्गमा मंगलबार पिकअप भ्यान दुर्घटना हुँदा चालकसहित एक महिलाको मृत्यु भएको छ । ताप्लेजुङको पाथिभरा याङवरक गाउँपालिका २ थेचम्बु घर भएका अन्दाजि ३२ वर्षीय सवारी चालक मिलन बिष्ट र पिकअपमा सवार सोही गाँउकी अन्दाजी २५ वर्षीया सीता अधिकारीको घटनास्थमै मृत्यु भएको हो ।
खाद्यान्न बोकेर झापादेखि ताप्लेजुङतर्फ गइरहेको प्रदेश नं.०१–००१ च ७६९१ नम्बरको पिकअप दुर्घटनामा परेको हो। जिल्ला प्रहरी कार्यालय पाँचथरका सूचना अधिकारी प्रहरी इन्स्पेक्टर डम्बर विश्वकर्माका अनुसार सडकबाट करिब ५० मिटर तल पिकअप झरेको थियो । मृतकको पोष्टमार्टमका लागि पाँचथर अस्पताल ल्याइएको छ ।
प्रतिक्रिया दिनुहोस !
