उदयपुर : जंगली बँदेललाई थापेको विद्युतीय धरापमा पर्दा उदयपुरका एकजनाको ज्यान गएको छ । जंगली बँदेलले खेतबारीको मकै धमाधम नष्ट गर्न थालेपछि बँदेल तर्साउन थापेको विद्युतीय धरापमा परी बिहीबार त्रियुगा नगरपालिका ९ राजाबासका ५४ वर्षीय जगदिश पोखरेलको ज्यान गएको हो ।
बुधबार राति आफ्नै मकैबारीमा विच्छ्याएको विद्युतीय धराप बिहान निकाल्न जाँदा करेन्ट लागि घाइते भएका पोखरेलको जिल्ला अस्पतालमा उपचारका क्रममा ज्यान गएको जिल्ला प्रहरी कार्यालयका डिएसपी बेदप्रसाद गौतमले जानकारी दिए ।
मृतकको शव पोष्टमार्टम पछि आफन्तलाई बुझाइ घटनाको थप अनुसन्धान भइरहेको उनले बताए ।
प्रतिक्रिया दिनुहोस !
