नारायणी नदीले खतराको तह पार गर्यो, गण्डक ब्यारेजका ३६ वटै ढोका खोलियो
असार २, २०७८ बुधबार १४:९:०
परासी : गण्डक ब्यारेजमा पानीको सतह खतराभन्दा माथि पुगेको छ । ब्यारेजको क्षमता ५ लाख क्यूसेक हो । अहिले पानीको सतह ४ लाख ८ हजार क्यूसेक पुगेको भूआर्जन तथा जनसम्पर्क कार्यालयका भूआर्जन अधिकारी तारासिंह थापाले बताए ।
ब्यारेज जीर्ण भएका कारण ४ लाख कटेपछि उच्च जोखिम मानिने उनले बताए । पानीको सतह अझै बढे बी ग्याब बाँध फुटन सक्ने र बस्ती नै डुबानमा पर्ने संभावना बढेको उनले जानकारी दिए ।
पानीको सतह बढेपछि अहिले पश्चिम नवलपरासीका २० गाउँ जोखिममा परेका छन् । पानीको सतहसँगै जोखिम बढेपछि ब्यारेजका ३६ वटै ढोका खोलिएको छ । यसैबीच गण्डक ब्यारेज र अन्य खोला कारण डुबान हुन थालेपछि स्थानीयलाई उच्च सतर्कता अपनाउन प्रशासनले आग्रह गरेको छ । जोखिम क्षेत्रमा तत्काल उद्दार र क्षति न्यूनीकरणका लागि सुरक्षाकर्मीलाई तयारी अवस्थामा राखिएको प्रमुख जिल्ला अधिकारी धर्मेन्द्र मिश्रले बताए ।
प्रतिक्रिया दिनुहोस !
