स्याङ्जा : पुतलीबजार नगरपालिकामा कार्यरत स्थानीय तहका कर्मचारीलाई बढुवा र ग्रेडवृद्धि गरेको छ। नगरपालिकाको भर्खरै सम्पन्न नवौं नगरसभाले कर्मचारी व्यवस्थापन ऐन २०७८ पारित गरेर यहाँ कार्यरत ४३ जना कर्मचारीमध्ये १४ जनाको बढुवा र २९ जनाको ग्रेडवृद्धि गरेको हो।
बढुवा हुनेमा आठौं र सातौं तहमा १/१ जना, छौटौं तहमा ३ जना र पाचौं तहमा ९ जना छन्। आठौं तहमा ताराचन्द्र ढकाल, सातौं तहमा कपिल गिरी, छैटौं तहमा अरुण पौडेल, मनि राना र पमनारायण पराजुली छन्।
पाँचौ तहमा राजेश पुरी, नरबहादुर पराजुली, दिपक जंग केसी, चन्द्रबहादुर कार्की, हरीलाल ढकाल, हिमकान्त रेग्मी, कुलप्रसाद मरासीनी, राजु रेग्मी र यमबहादुर मल्ल छन्।
नगरप्रमुख सीमा क्षेत्री, उपप्रमुख महेश पुरी, प्रमुख प्रशासकियय अधिकृत पुरुषोत्तम शर्मा, शिक्षा शाखा प्रमुख बाबुराम बराल लगायतले बढुवा भएका कर्मचारीलाई बधाई दिदै समृद्ध पुतलीबजार र सुखी नगरबासीको लक्ष्य अनुरुप काम गर्न सुझाव दिए।
प्रतिक्रिया दिनुहोस !
