फिदिम : पाँचथरको फिदिम नगरपालिका ४ कुमालेटारमा बस्दै आएका ८० बर्षीय बृद्ध टेकबहादुर इङ्वाको हत्यामा संलग्न एक व्यक्तिलाई प्रहरीले पक्राउ गरेको छ। फिदिम नगरपालिका २ पल्लोटारका ५९ वर्षीय जीव नारायण श्रेष्ठलाई प्रहरीले बुधबार पक्राउ गरेको हो।
श्रेष्ठलाई उनकै घरबाटपक्राउ गरिएको जिल्लाप्रहरी कार्यालय पाँचथरका प्रहरी निरीक्षक डम्बर विश्वकर्माले जानकारी दिए। टेक बाहादुरको जेठ २९ गते राति सुतेकै ठाउमा हत्या भएको थियो।
जग्गाको साँध सिमानाको बिषयमा पटकपटक झगडा हुने र पछिल्लो पटक खेतमा धानको बियाड राख्ने क्रममा पानीको विषयलाई लिएर टेकबहादुर र श्रेष्ठको झगडा भएको प्रहरीको भनाइ छ।
उक्त झगडाकै कारण आक्रोसमा आएर टेकबहादुरलाई बाम्फोक र फलामको सोत प्रहार गरेर ’त्या गरेको श्रेष्ठले प्रहरी समक्ष स्वीकारेका छन्। श्रेष्ठ सडक विभाग यान्त्रिक कार्यालय पाँचथरका सुरक्षागार्ड हुन्।
प्रतिक्रिया दिनुहोस !
