दार्चुला : दार्चुलाको लेकम गाउँपालिकाका एकजना कोरोना संक्रमित ६८ दिनपछि अस्पतालबाट डिस्चार्ज भएका छन्।
लेकम गाउँपालिका-५ मैखोलीका इन्द्रदेव जोशी स्वास्थ्यमा समस्या देखिएपछि वैशाख २९ गते जिल्ला अस्पताल दार्चुलामा भर्ना भएका थिए । जोशीको स्वास्थ्य चेकजाँच गर्दा कोरोना भाइरस संक्रमण पुष्टि भएको थियो।
तर ६८ दिनपछि सोमबार बल्ल उनी अस्पतालबाट डिस्चार्ज भएका हुन्को । जोशीका आफन्त रामदत्त जोशीका अनुसार उनलाई भेन्टिलेटर, एचडीयुमा राखेर उपचार गरिएको थियो । पुर्नःजन्म नै पाएको भन्दै जोशीले उपचारमा खटिएका चिकित्सक तथा अन्य स्वास्थ्यकर्मीलाई खादा लगाएर सम्मान समेत गरेका थिए।
'चिकित्सकले मलाई बचाउनुभयो। आज मैले पुनर्जन्म प्राप्त गरेँ, उनीहरुलाई म हृदयदेखि नै सम्झन र सम्मान गर्न चाहन्छु,' जोशीले भने।
प्रतिक्रिया दिनुहोस !
४
