मलंगवा: सर्लाहीको ब्रह्मपुरी गाउँपालिका ३ भेल्हीस्थित पोखरीमा डुबेर एकै परिवारका तीन जनाको मृत्यु भएको छ ।
गाउँ भन्दा पूर्वपट्टी रहेको पोखरीमा डुबेर स्थानीय संजीव कापरकी पत्नी २५ वर्षीया रितेबा देवी कापर र उनका २ वर्षीया छोरी रोमा कुमारी कापर र ९ दिने नवजात छोराको मृत्यु भएको जिल्ला प्रहरी कार्यालय सर्लाहीले जनाएको छ ।
घटनाबारे प्रहरीलाई बिहान ८ बजे जानकारी भएको जिल्ला प्रहरी कार्यालय सर्लाहीका प्रहरी नायब उपरीक्षक माधव प्रसाद बुढाथोकीले बताएका छन् ।
घटनाको प्रकृति हेर्दा राति नै डुबेको प्रहरीको भनाइ छ । अहिले घटनाको अनुसन्धान भइरहेको प्रहरीले जनाएको छ । के कारणले डुबेको हो भन्ने यकिन भएको छैन । तीनवटै शवलाई पोष्टमार्टमका लागि जिल्ला अस्पताल मलंगवामा ल्याइएको प्रहरीले जनाएको छ ।
प्रतिक्रिया दिनुहोस !
४
