राजविराजः सप्तरीको राजविराजस्थित पोखरीमा डुबेर एक बालकको मृत्यु भएको छ ।
राजगढ गाउँपालिका–३ नर्घोका घुरन रामका छोरा ७ वर्षीय उमेश रामको पानीमा डुबेर मृत्यु भएको सप्तरी प्रहरीले जनाएको छ । राजगढका ती बालक राजविराज-१ चनौराको राम टोलस्थित मामाघरमा आएका बेला बालकको पोखरीमा डुबेर मृत्यु भएको हो ।
पोखरीमा नुहाउने क्रममा डुबेका बालकको मृत्यु भएको जिल्ला प्रहरी कार्यालय सप्तरीका सूचना अधिकारी डिएसपी माधवप्रसाद काफ्लेले बताए । शव पोष्टमार्टमका लागि सोमबार राति राजबिराजस्थित गजेन्द्रनारायण सिंह अस्पताल ल्याइएको छ ।
प्रतिक्रिया दिनुहोस !
