ओखलढुंगा : कोरोना भाइरस संक्रमणबाट एक व्यवसायी महिलाको मृत्यु भएपछि मोलुङ गाउँपालिकाको वडा नं. ६ सिल गरिएको छ । उपचारका क्रममा ओखलढुंगा सामुदायिक अस्पतालमा ती महिलाको मृत्यु भएपछि संक्रमण थप फैलन नदिन वडा सिल गरिएको हो ।
भदौ ५ गतेसम्मका लागि पूर्णरुपमा वडा सिल गरिएको वडाध्यक्ष रामकाजी तामाङले जानकारी दिए । सो अवधिमा कोरोना संक्रमण थप फैलन नदिन वडामा सबैखाले स्वास्थ्य मापदण्ड अनिवार्य पालना गराउने नियम बनाइएको तामाङको भनाइ छ ।
आवत जावत र सवारी साधान चलाउन समेत रोक लगाइएको छ । होटल तथा पसलहरु पूर्णरुपमा बन्द गरेर संक्रमण फैलन नदिने नीति लिइएको वडा कार्यालयले जनाएको छ । यो घटनासँगै ओखलढुंगामा कोरोना भाइरस सक्रमणका कारण मृत्यु हुनेको संख्या १४ पुगेको छ
प्रतिक्रिया दिनुहोस !
४
