मलंगवा : लालबन्दी नगरपालिका १७, रानिगन्जमा तीन दिनदेखि बेपत्ता किशोरी मृत अवस्थामा फेला परेकी छिन् । साउन ३१ गते रातिदेखि बेपत्ता रानिगन्ज डाँडाटोल निवासी राजन भुजेलकी १६ वर्षीया छोरी प्रिंयका भुजेल मृत अवस्थामा फेला परेकी छिन् ।
घरभन्दा करिब ३ किलोमिटरको दूरीमा रहेको लालबन्दी ६ स्थित कालिन्जोर खोलामा मृत अवस्थामा भेटिएको प्रहरीले जनाएको छ । घटनाको जानकारी पाएलगतै इलाका प्रहरी कार्यालय लालबन्दीको प्रहरीले घटनाबारे अनुसन्धान सुरु गरेको थियो। प्रहरीले घटना संलग्न आशंकामा दुईजनालाई नियन्त्रणमा लिएको छ ।
नियन्त्रणमा लिएकाहरुबाट सोधपुछको काम भइरहेको जिल्ला प्रहरी कार्यालय सर्लाहीका प्रहरी नायब उपरीक्षक माधव प्रसाद बुढाथोकीले जानकारी दिए। शव पोष्टमार्टमका लागि जिल्ला अस्पताल मलंगवा ल्याइएको छ ।
प्रतिक्रिया दिनुहोस !
४
