उदयपुर : उदयपुर बेलका नगरपालिका- ५ गलेनीमा मोटरसाइकलको ठक्करबाट घाइते भएका वृद्धको आइतबार बेलुका मृत्यु भएको छ। बेलकाबाट पुर्वतर्फ जाँदै गरेको प्रदेश १–०२–०४१ प १८०८ नम्बरको मोटरसाइकलको ठक्करबाट पदैलयात्री सोही ठाउँका ८० वर्षीय रामबहादुर श्रेष्ठको मृत्यु भएको हो।
आइतबार बेलुका ६ बजे दुर्घटनाबाट गम्भीर घाइते भएका श्रेष्ठको धरानस्थित विपी कोईराला स्वास्थ्य विज्ञान प्रतिष्ठान घोप्पामा राती मृत्यु भएको जिल्ला प्रहरी कार्यालयका डिएसपी बेदप्रसाद गौतमले जानकारी दिए।
दुर्घटनामा चालक सुनसरी रामधुनी नगरपालिका- ३ झुम्काका २४ वर्षीय रोयलकुमार चौधरी र पछाडि सवार सोही ठाउँका स्थानका २४ वर्षीय सुरजकुमार चौधरी सामान्य घाइते भएका छन्। प्रहरीले मोटरसाइकल र चालकलाई नियन्त्रणमा लिई अनुसन्धान जारी राखेको डीएसपी गौतमले बताए।
प्रतिक्रिया दिनुहोस !
