फिदिम : अबिरल बर्षापछि दर्जनौ स्थानमा पहिरो जाँदा फिदिम फालोट सकड अवरुद्ध भएको छ । पहिरोले सडक भत्कदा बिगत २० दिनयता आवतजावतमा समस्या भएको फालेलुङ गाँउपालिका ७ का वडाध्यक्ष शेरबहादुर केरुङले जानकारी दिए ।
'पहिरोका कारण दर्जनौ स्थानमा सडक अवरुद्ध भएकाले यातायातमा समस्या भएको छ,' केरुङले भने ‘सामान्य लागनीबाट तत्काल पहिरो पन्छाउने सम्भावना देखिदैन।' उक्त सडकको फुलभञ्ज्याङ बाँस्बोटे खण्डमा पहिरो गएको छ ।
लुखुरेको पहिरोले बिगत पाँच दिनदेखि सडक अवरुद्ध छ । बाँस्बोटेको पहिरोले २० दिनदेखि सडक अरुद्ध भएको हो । पहिरोका कारण फिदिमदेखि प्राङबुङतर्फ आवतजावत गर्ने सवारी साधानहरु सञ्चालन हुन सकेका छैनन् ।
‘पहिरोले सडक अवरुद्ध भएपछि बिरामीहरुलाई अस्पताल लैजान समेत समस्या भएको छ, 'फालेलुङ ७ बाँस्बोटेका जय केरुङले भने, ‘बाँस्बोटेको पहिरो तत्काल पन्छाएर सडक सुचारु गर्ने सम्भावना पनि देखिदैन।’
प्रतिक्रिया दिनुहोस !
