काठमाडौँः काठमाडौं महानगरपालिका १४ नं वडा कार्यालयका वडा सदस्य वसन्त महर्जन दुई लाख घुससहित पक्राउ परेका छन् ।
अख्तियार दुरुपयोग अनुसन्धान आयोग टोलीले कलंकी, खसी बजारस्थित न्यू कान्तिपुर तन्दुरी भोजनालयबाट उनलाई घुससहित पक्राउ गरेको हो । अख्तियारका प्रवक्ता नारायणप्रसाद रिसालले उनलाई नियन्त्रणमा लिई थप अनुसन्धान भइरहेको जानकारी दिए ।
वडा सदस्य महर्जनले जग्गाको मोहियानी हक नामसारी र नाता प्रमाणित गरी मोही प्रमाणपत्र र मालपोत तथा भूमि व्यवस्था कार्यालय काठमाडौँलाई सिफारिस दिनका लागि सेवाग्राहीसँग घुस मागेका थिए ।
प्रतिक्रिया दिनुहोस !
