बुटवल : बुटवल उपमहानगरपालिकाका मेयर शिवराज सुवेदीलाई आक्रमण गर्ने एक जनालाई प्रहरीले पक्राउ गरेको छ। पक्राउ पर्नेमा बुटवल–३ ज्योतीनगरका स्थानीय गणेश पंगेनी रहेका छन्।
उनलाई सोमबार साँझ नै प्रहरीले पक्राउ गरेको जनाएको छ। ज्योती नगरमा पहिरो गएपछि प्राविधिक टोली लिएर पहिरोको अनुगमन गर्न गएका मेयर शिवराज सुवेदीलाई सोमबार दिउँसो एक्कासी आक्रमण गरिएको थियो।
मेयर सुवेदी नेकपा एमाले रुपन्देहीका अध्यक्ष समेत हुन्। पक्राउ परेका पंगेनीमाथी घटनाको बारेमा अनुसन्धान भइरहेको ईलाका प्रहरी कार्यालय बुटवलका प्रहरी नायव उपरीक्षक मदन कुवँरले बताए। कुवँरले घटनाका बारेमा बुटवल उपमहानगरपालिकाले जाहेरी दिएपछि मात्रै थप कारवाही अघि बढ्ने उल्लेख गरे।
प्रतिक्रिया दिनुहोस !
