गुल्मी : गुल्मीमा जीप दुर्घटना हुँदा तीन जनाको मृत्यु भएको छ भने ६ जना घाइते भएका छन्। बिहीबार राति बुटवलबाट तमघास अाउँदै गरेको लु १ ज ४४९० नम्बरको जीप रेसुंगा नगरपालिका १० स्थित छहरा नजिकै दुर्घटना भएको जिल्ला प्रहरी कार्यालय गुल्मीले जनाएको छ।
दुर्घटनामा परी मुसिकोट नगरपालिका २ का ७० वर्षीय क्षेत्रबहादुर थापा, ४६ वर्षीष राधिका थापा र १९ वर्षीय संगिता सुनारको मृत्यु भएको प्रहरीले जनाएको छ। यस्तै घाइते हुनेहरुमा जीप चालक २६ वर्षीय कमल थापा, ४३ वर्षीय खिमा थापा, ३८ वर्षीष जुना थापा, ३६ वर्षीय राजु थापा, मुसिकोट नगरपालिका ३ की ४३ वर्षीय सुमित्रा सुनार र भरतपुर उपमहानगरपालिका बस्ने ५० वर्षीय राधा केसी रहेका छन्।
प्रहरीका अनुसार जीप सडकदेखि ५०० मिटर तल खसेको थियो।
प्रतिक्रिया दिनुहोस !
