उदयपुर : उदयपुरमा अलग-अलग ठाउमा खोलाले बगाएर दुईजनाको ज्यान गएको छ । बेलका नगरपालिका २ स्थित गिदेरी खोला र कटारी नगरपालिका २ स्थित कमला खोलाले बगाएर दुईजनाको ज्यान गएको हो । जिल्ला प्रहरी कार्यालयका डीएसपी बेदप्रसाद गौतमका अनुसार सोमबार गिदेरी खोलामा स्थानीय विश्वनाथ चन्द्रबंशीका दुई वर्षीय छोरा भरत चन्द्रबंशी र कमला खोलामा कटारी नगरपालिका १० गिजिङटारका ४५ वर्षीय गुमानसिंह खड्काको ज्यान गएको हो ।
असोज ३१ गते दिउँसो घरबाट वेपत्ता भएका चन्द्रबंशी सोमबार खोलामा डुबेर मृत्यु भएको अवस्थामा फेला परेका थिए । त्यसैगरी असोज २९ गते कटारी २ माझिटोलस्थित कमला खोलामा वेवारिसे अवस्थामा फेला परेको खड्काको सोमबार बेलुका सनाखत भएको हो ।
वेवारिसे शव फेला परेको सम्बन्धी सूचना प्रवाह भएपछि मृतकका भाइ डिकबहादुर खड्काले आफ्नो दाजुको पहिचान गरी शव बुझेको डीएसपी गौतमले बताए । दुबै शव पोष्टमार्टमपछि आफन्तलाई बुझाइएको उनले बताए ।
प्रतिक्रिया दिनुहोस !
