बाढीपीडितलाई प्रधानमन्त्रीको ढाडस : विदेशीसँग मागेर भएपनि राहत दिन्छु
कात्तिक ७, २०७८ आइतबार १२:३३:०
इटहरी : प्रधानमन्त्री शेरबहादुर देउवाले विदेशीसँग सहयोग मागेर भएपनि बाढीपीडितलाई राहत दिने बताएका छन् । इटहरीस्थित सशस्त्र प्रहरी बलको परिसरमा आइतबार बिहान आयोजित कार्यक्रमलाई सम्बोधन गर्दै प्रधानमन्त्री देउवाले उपलब्ध स्रोत साधन कम भए विदेशीसँग मागेर भएपनि राहत प्याकेज उपलब्ध गराउने बताएका हुन् ।
प्रदेश १ मा बाढीपहिरोबाट प्रभावितहरुको अवस्था बुझ्न प्रदेश १ मा आएका देउवाले आफू काठमाडौं फर्किनासाथ बाढीपीडितका लागि केही न केही काम गर्ने बताए । हेलिकोप्टरबाट इटहरी आइपुगेका देउवासँगै सञ्चारमन्त्री ज्ञानेन्द्रबहादुर कार्की, पम्फा भुषालसमेत सहभागी छन् ।
कार्यक्रममा कोसी गाउँपालिका, धरान उपमहानगरपालिका र दुहबी नगरपालिकाले बाढी तथा डुबानबाट क्षति भएको भन्दै राहतका लागि प्रधानमन्त्रीको ध्यानाकर्षण गराएका थिए ।
प्रतिक्रिया दिनुहोस !
