सुडानका अपदस्थ प्रधानमन्त्री नजरबन्दबाट मुक्त
खार्तुम : सुडानका अपदस्थ प्रधानमन्त्री अबदल्लाह हमडोक नजरबन्दबाट मुक्त भएका छन् । उनलाई सेनाले मंगलबार कडा सुरक्षाका साथ नजरमुक्त गरेको हो । सुडान सेना सैन्य 'कू' लागू गर्दै सोमबार बिहानै सत्ता कब्जामा लिएको घोषणा गरेको थियो । सो घोषणासँगै प्रधानमन्त्री अबदल्लाहसहित मन्त्रिपरिषद्का सबै सदस्यलाई पक्राउपछि नजरबन्दमा राखेको थियो ।
हमडोक नजरबन्दमा परेपछि अन्तर्राष्ट्रिय समुदायले सुडानका सेना प्रमुख अब्देल फताह अल बुर्हानको निन्दा गरेका थिए । अन्र्राष्ट्रिय समुदायको निन्दापछि सेनाले अपदस्थ प्रधानमन्त्री र उनकी श्रीमतीलाई कडा सुरक्षाबीच घर फर्काइएको बताइएको छ ।
उनलाई सेनाले घरमै निगरानीमा राखिने बताइएको छ । सैन्य शासनविरुद्ध उत्रिएका जनतालाई सेनाले पक्राउ गरेको बताइएको छ ।