काठमाडौं : नेकपा एमालेको चितवन- १० औं महाधिवेशनमा नेकपा एकीकृत समाजवादीलाई आमन्त्रण नगर्ने भएको छ । महाधिवेशन सन्दर्भमा आयोजना गरिएको पत्रकार सम्मेलनमा पार्टी एवं प्रचार विभाग प्रमुख योगेश भट्टराईले नेकपा एसलाई अवैध गर्भाधारण गरेको पार्टीको संज्ञा दिँदै त्यसलाई नबोलाउने बताएका हुन्। उनले कतिपय दलको पहिचान र ठेगाना पनि स्पष्ट नभएको समेत बताए ।
प्रमुख राजनीतिक दलहरुलाई आमन्त्रण गर्छौं, 'उनले भने, 'कतिपयको पहिचान र ठेगाना स्पष्ट छैन। अवैध सम्बन्धबाट गर्भधारण गरेका समूहलाई हामीले बोलाउँदैनौं।’ मुलुकका प्रमुख राजनीतिक दल तथा मित्रराष्ट्रहरुका दलका प्रतिनिधिलाई बोलाउने निर्णय गरेको उनले बताए ।
एमालेले १० औ महाधिवशेनलाई केन्द्रीत गरेर बुधबार पहिलो पत्रकार सम्मेलन गरेको हो। नेकपा (एमाले) को दशौं राष्ट्रिय महाधिवेशन यही २०७८ मंसिर १०–१२ गतेसम्म चितवनमा हुँदैछ। महाधिवेशनको मूल नारा ‘दक्षिणपन्थी अवसरवाद र संगठनात्मक अराजकतालाई परास्त गरौं, जबजको मार्गदर्शनमा समाजवादको आधार निर्माण गरौं’ भन्ने छ।
प्रतिक्रिया दिनुहोस !
