मलंगवा : सर्लाहीको ईश्वरपुर नगरपालिका १२ घारीबथानमा मोटरसाइकल दुर्घटना हुदाँ २ जनाको मृत्यु भएको छ।
दुर्घटनामा परी मृत्यु हुनेहरुमा घारीबथानका २२ वर्षीय सुरज मुर्मछान र २० वर्षीय मुकेश आले रहेको जिल्ला प्रहरी कार्यालय सर्लाहीले जनाएको छ। भित्री सडक हुँदै घारीबथानबाट दक्षिणतर्फ आउँदै गरेको अवस्थामा अनियन्त्रित भई मोटरसाइकल दुर्घटना हुदाँ मोटरसाइकलमा सवार दुवैको मृत्यु भएको हो।
प्रदेश २-०३-००४ प ९५३९ नम्बरको मोटरसाइकल अनियन्त्रित भई बाटोको छेउमा रहेको रुखमा ठोक्किन पुग्दा दुर्घटना भएको जिल्ला प्रहरी कार्यालय सर्लाहीका प्रहरी नायव उपरीक्षक माधवप्रसाद बुढाथोकीले जानकारी दिए।
टाउकोमा गम्भिर चोट लागेका मुर्मछानलाई उपचारका लागि लालबन्दीस्थित अस्पतालमा पुर्याउँदा चिकित्सकले मृत घोषणा गरेका थिए। मोटरसाइकलमा पछाडी बसेर आउँदै गरेका आलेलाई थप उपचारका लागि बीरगञ्ज पुर्याउँदा चिकित्सकले मृत घोषणा गरेको बुढाथोकीले जानकारी दिए।
प्रतिक्रिया दिनुहोस !
