पोखरा : नेपाल कम्युनिस्ट पार्टी (माओवादी केन्द्र) गण्डकी प्रदेश समितिको प्रथम अधिवेशनले गायत्री गुरुङ कुसुमलाई अध्यक्ष चयन गरेको छ । २५ मंसिरमा सुरु अधिवेशनले सोमबार उनलाई उक्त पदमा सर्वसम्मत चुनेको हो ।
अरु पदाधिकारीहरु भने समितिको पहिलो बैठकले चयन गर्ने भएको छ । २०१ जनाको समिति सर्वसम्मत नै चयन भइसकेको छ । तिनैमध्येबाट अरु पदाधिकारी चयन हुने भएका छन् । गण्डकी प्रदेश सभामा माओवादी केन्द्रकी प्रमुख सचेतक अध्यक्ष गुरुङ अखिल नेपाल महिला संघ (क्रान्तिकारी) को केन्द्रीय सचिव पनि हुन् । २०४८ सालदेखि राजनीतिमा लागेकी उनी जनयुद्धको सुरुआतदेखि नै भूमिगत हुँदै सशस्त्र संघर्षमा होमिएकी थिइन् ।
उनी कास्कीबाट प्रदेश सभा सदस्यका लागि माओवादीबाट सांसद बनेकी हुन् । यसअघि माओवादी केन्द्रले कास्कीका पालिकाहरुमा समिति गठन गरिसकेको छ ।
प्रतिक्रिया दिनुहोस !
