काठमाडौंः नेपाली कांग्रेसका महामन्त्रीमा पराजित भएका प्रकाशशरण महतले परिणाम अपेक्षाअनुरुप नभए पनि सहर्ष स्वीकार्ने बताएका छन्।
सामाजिक सञ्जालमार्फत् उनले यस्तो प्रतिक्रिया दिएका हुन्। ‘यद्यपि परिणाम मैले अपेक्षा गरेअनुरुप आएन। तर मतदाता साथीहरुको निर्णयलाई सहर्ष स्वीकार गर्दै निर्वाचित साथीहरुलाई बधाइ र कार्यकालको सफलताको कामना गर्दछु। साथै मलाई विश्वास गरी मतदान गर्ने सम्पूर्ण साथीहरुलाई हार्दिक धन्यवाद दिन चाहन्छु। आगामी दिनहरुमा पनि कत्ति विचलित नभई पार्टी, देश र जनताको पक्षमा काम गरिरहने छु,’ उनले लेखेका छन्। महत शेरबहादुर देउवा समूहबाट महामन्त्रीमा उम्मेदवारी दिएका थिए।
प्रतिक्रिया दिनुहोस !
